January 19, 2022
  • January 19, 2022
Breaking News
  • Home
  • திரைப்படம்
  • விஜய் பட யூகம் உண்மையானது தளபதி 64 ஏப்ரல் 2020ல் வெளியீடு
August 24, 2019

விஜய் பட யூகம் உண்மையானது தளபதி 64 ஏப்ரல் 2020ல் வெளியீடு

By 0 314 Views

‘விஜய் 64’ அல்லது ‘தளபதி 64’ என்று தலைப்பிடப்பட்ட விஜய்யின் 64வது படத்தை ‘மாநகரம்’, ‘கைதி’ படங்களின் இயக்குநர் லோகேஷ் கனகராஜ் இயக்கவிருக்கிறார் என்றும் அப்படத்தை சேவியர் பிரிட்டோ தயாரிக்கவிருக்கிறார் என்றும் யூக செய்திகள் வெளியாயின. நாமும் வெளியிட்டிருந்தோம்.

இப்போது அதெல்லாம் உண்மைதான் என்று சேவியர் பிரிட்டோ அறிவித்திருக்கும் செய்தி கூறுகிறது. மீடியாக்களுக்கு அவர் அனுப்பியுள்ள செய்தியில்…

“நீண்ட காலத்திற்குப் பிறகு தளபதி விஜய்யுடன் இணைந்து பணியாற்றுவது குறித்து அறிவிப்பதில் நான் மிகவும் மகிழ்ச்சியடைகிறேன். முன்னதாக, தளபதி விஜய் அவர்களின் மூன்று திரைப்படங்களைத் தயாரிக்கும் வாய்ப்பு எனக்கு கிடைத்தது,

மேலும் #தளபதி 64 (தற்காலிக தலைப்பு) விரைவில் எங்களின் தயாரிப்பு நிறுவனம் எக்ஸ்பி பிலிம் கிரியேட்டர்ஸ் (XB Film Creators) மூலம் தயாரிக்க உள்ளோம் என்பதை உங்கள் அனைவருக்கும் அதிகாரப்பூர்வமாக அறிவிப்பதில் பெருமிதம் கொள்கிறேன்.

நம்பிக்கைக்குரிய இளம் திறமைசாலியான இயக்குனர் லோகேஷ் கனகராஜ் #தளபதி 64 படத்தை இயக்கவிருக்கிறார். இவர் ‘மாநகரம்’ மற்றும் ‘கைதி’ ஆகிய படங்களை இயக்கியவர். ‘கத்தி’ படத்தின் பிளாக்பஸ்டர் வெற்றியை தொடர்ந்து, தளபதி விஜய் மற்றும் ராக்ஸ்டார் அனிருத் ஆகியோர் மீண்டும் #தளபதி 64 படத்தில் கைகோர்க்கின்றனர் என்பதில் மகிழ்ச்சியடைகிறோம்.

சத்யன் சூரியன் ஒளிப்பதிவு செய்ய பிலோமின் ராஜ் எடிட்டிங் கவனிக்க ‘ஸ்டண்ட்’ சில்வாவின் ஸ்டண்ட் இயக்கம் மற்றும் சதீஷ்குமாரின் கலை இயக்கம் என மிகவும் வலுவான படக்குழு இந்தப் படத்தில் ஒப்பந்தமாகியுள்ளனர். மீதமுள்ள நடிகர்கள் மற்றும் தொழில் நுட்பக்கலைஞர்கள் தேர்வு நடைபெறுகிறது.

எங்களின் லைன் ப்ரொட்யூசர்ஸ் ஜெகதீஷ் மற்றும் லலித் குமார் #தளபதி 64 இன் ப்ரொடக்‌ஷன் மற்றும் வணிக அம்சங்களை கவனிக்கின்றனர்.

#தளபதி 64 படத்தின் படப்பிடிப்பு வருகிற அக்டோபர் மாதம் 2019 தொடங்க திட்டமிடப்பட்டுள்ளது, மேலும் ஏப்ரல் 2020ல், ஒரு ஜனரஞ்சகமான பொழுதுபோக்கு படமாக இந்தப் படம் வெளியாகும் என்று நாங்கள் உறுதியளிக்கிறோம்…!”

என்று தெரிவித்திருக்கிறார்.

இது விஜய் ரசிகர்களுக்கு மகிழ்ச்சியான செய்தியாகும்..!