வடிவேலுவுடன் இணைந்து பல நகைச்சுவைக் காட்சிகள் மூலமாக அறியப்பட்ட கிருஷ்ணமூர்த்தி (வயது 55) கடந்த 07-10-2019 அதிகாலை மாரடைப்பால் காலமானார்.
அன்று குமுளி அருகே படப்பிடிப்பில் இருந்த அவருக்கு திடீர் மாரடைப்பு ஏற்பட்டது. அதனால், படப்பிடிப்பில் இருந்தவர்கள் அவரை அருகில் உள்ள மருத்துவமனைக்குக் கொண்டு சென்றிருக்கின்றனர். ஆனால், செல்லும் வழியிலேயே அவர் இறந்துவிட்டதாக மருத்துவர்கள் அறிவிக்க, படப்பிடிப்புக் குழுவினர் அதிர்ச்சி அடைந்த செய்திகள் அநேகமாக எல்லோருக்கும் தெரிந்திருக்கும்.
அவருக்கு மாரடைப்பு ஏற்பட்டதற்கு முன்னதாக அவர் நடித்த கடைசி காட்சியின் வீடியோ ஒன்று இப்போது சமூக வலைதளங்களில் வளைய வருகிறது.
அது நம் கண்களில் கண்ணீர் முட்டச் செய்கிறது. அவர் கடைசியாக ‘லைவ்’வாக வாழ்ந்த காட்சி அல்லவா அது..? படத்தில் அந்த நகைச்சுவைக் காட்சியின்போது நம்மால் சிரிக்க முடியுமா தெரியவில்லை. அந்தக் காட்சி கீழே…
By