தமிழ்நாட்டின் முன்னணி மல்டி ஸ்பெஷாலிட்டி ஹெல்த்கேர் காவேரி குழும மருத்துவமனைகளின் ஒரு பிரிவான காவேரி மருத்துவமனை, டயாலிசிஸ் சிகிச்சை பெறுபவர்களுக்கான திறமை நிகழ்ச்சியை மார்ச் 20, 2022 அன்று நடத்தியது. இந்த முயற்சி 2022 ஆம் ஆண்டு உலக சிறுநீரக தினத்தின் ஒரு பகுதியாக அமைந்தது. இது நோயாளிகளின் வாழ்வில் மலர்ச்சியை ஏற்படுத்த உதவியது.
இந்த நிகழ்வானது வேடிக்கையான நிகழ்வுகள் மற்றும் விளையாட்டுகள், திறமையை வெளிப்படுத்தும் நிகழ்ச்சிகளுடன் கலக்க போவது யாரு புகழ் அசார் மற்றும் குழுவினரின் நகைச்சுவை ஆகியவற்றால் நிறைந்தது. பங்கேற்பாளர்கள் பாரம்பரிய நடன வடிவங்களிலும், இசை மற்றும் விளையாட்டுகளிலும் தங்கள் திறமைகளை வெளிப்படுத்தினர்.
மக்கள் மத்தியில் நிலவும் பொதுவான புரிதல் என்னவென்றால், ஒருவருக்கு நாள்பட்ட சிறுநீரக நோய் (CKD) அல்லது சிறுநீரக செயலிழப்பு இருப்பது கண்டறியப்பட்டால், அவர்களின் மனம் இயல்பு நிலைக்கு திரும்ப முடியாது அல்லது அவர்களால் தங்கள் சொந்த வழியில் வாழ முடியாது என்பதுதான். இந்த நபர்கள் இன்னும் படிக்கலாம், வேலை செய்யலாம் அல்லது தங்களுக்கு பிடித்த பொழுதுபோக்குகளில் ஈடுபடலாம் – போதுமான சிகிச்சை மற்றும் கவனிப்புடன் என்பதே உண்மை.
சென்னை காவேரி மருத்துவமனையின் முதன்மை சிறுநீரக மருத்துவர் டாக்டர் பாலசுப்ரமணியம் இந்த முயற்சி குறித்து பேசுகையில், “சிறுநீரக நோயுடன் வாழ்வது நிச்சயமாக எளிதானது அல்ல. ஆனால் எப்போதும் நம்பிக்கையை இழக்க வேண்டியதில்லை. டயாலிசிஸ் செய்து, மாற்று அறுவை சிகிச்சைக்காக காத்திருக்கும் நோயாளிகளுக்கு, அவர்களின் சிந்தனை உடல் ரீதியாகவும் மன ரீதியாகவும் சோர்வாக இருக்கும்.
இது போன்ற முயற்சிகள் அவர்களின் அன்றாட வாழ்க்கையில் இறுக்கத்தை மாற்ற உதவும். இந்நிகழ்வில் அவர்கள் அனைவரையும் போலவே தங்கள் நாளைக் கழிக்கிறார்கள். மருத்துவர்களாகிய நமது கடமை வெறும் சிகிச்சைகள் மற்றும் மருந்துகளை வழங்குவதுடன் நின்றுவிடாது, மாறாக அவர்களின் வாழ்க்கைத் தரத்தை மேம்படுத்துவதன் மூலம் அதையும் தாண்டிச் செல்கிறது.
ஒருவருக்கு நாள்பட்ட சிறுநீரக நோய் இருப்பது கண்டறியப்பட்டால், அவர் அதை இதுவே முடிவானது என்று நினைக்காமல், சரியான சிகிச்சைகள் மற்றும் கவனிப்புடன் இயல்பான வாழ்க்கையை நடத்த வேண்டும். இது அவர்களுக்கு மட்டுமல்ல, அவர்களின் குடும்ப உறுப்பினர்களுக்கும் நம்பிக்கை தேவை.
இது போன்ற நிகழ்வுகள் அவர்கள் மீதான நம்பிக்கையை மீட்டெடுக்க உதவும், மேலும் அவர்கள் விரும்பும் அல்லது ஆர்வமுள்ள விஷயங்களில் தங்கள் நாளைக் கழிக்க ஊக்குவிக்கும் என்று நாங்கள் நம்புகிறோம்..!” என்றார்.
மருத்துவத்துடன் மனநல சேவையும் புரியும் காவேரியைப் பாராட்டலாம்..!
By