மலையாள சினிமாவில் தனக்கென ஒரு தனியிடம் வகித்த குணச்சித்திர நடிகர் கேப்டன் ராஜு இன்று கொச்சியில் காலமானார். அவருக்கு வயது 68.
மலையாளம் மட்டுமன்றி தமிழ், தெலுங்கு, இந்தி, கன்னடம் ஆகிய மொழிகளிலும் சேர்த்து 500 படங்கள் நடித்து முடித்தவர் கேப்டன் ராஜு. ரஜினி, கமல், விஜயகாந்த், சத்யராஜ், பிரபு என அனைத்து தமிழ் முன்னணி நட்சத்திரங்களுடனும் திரையில் பங்கெடுத்திருக்கும் அவர் நடித்த தமிழ்ப்படங்களில் தர்மத்தின் தலைவன், சூர சம்ஹாரம், ஜீவா, பிரியங்கா, ஜல்லிக்கட்டு, தாய்நாடு, என் ஜீவன் பாடுது உள்ளிட்ட படங்கள் குறிப்பிடத் தகுந்தவை.
கடந்த ஆண்டில் வெளியான ‘மாஸ்டர்பீஸ்’ அவரது நடிப்பில் வெளியான கடைசி மலையாளப்படமாகும்.
விமானப்பயணமொன்றில் பக்கவாதம் தாக்கப்பட்டு சிகிச்சையில் இருந்த அவர் இன்று மரணமடைந்தார். அவருக்கு மலையாள திரையுலகினர் மட்டுமன்றி தென்னிந்திய நடிகர் சங்கமும் இரங்கல் தெரிவித்துள்ளது..!
By