October 25, 2020
  • October 25, 2020
Breaking News
  • Home
  • திரைப்படம்
  • பிரபல நடிகர் பாலா சிங் திடீர் மரணம் திரையுலகினர் அஞ்சலி
November 27, 2019

பிரபல நடிகர் பாலா சிங் திடீர் மரணம் திரையுலகினர் அஞ்சலி

By 0 206 Views
நாகர்கோயிலைச் சேர்ந்த திரைப்பட மற்றும் சின்னத்திரை நடிகர் பாலாசிங் இன்று அதிகாலை 2 மணிக்கு காலமானார். அவருக்கு வயது 67.
 
மேடை நாடகக் கலைஞராக இருந்த பாலாசிங், தொடக்கத்தில் ஒருசில மலையாளப் படங்களில் நடித்திருந்தார். பிறகு நடிகர் நாசரின் இயக்கத்தில் உருவான அவதாரம் என்ற படத்தின் மூலம் தமிழ் சினிமாவில் அறிமுகமானார்.
 
அதனைத் தொடர்ந்து இந்தியன், சிம்மராசி, ராசி, புதுப்பேட்டை விருமாண்டி என பல வெற்றித் திரைப்படங்களில் நடித்ததன் மூலம் ரசிகர்களிடையே பிரபலமானார்.
 
மேலும் அவர் கடந்த ஆண்டில் வெளிவந்த தானாசேர்ந்த கூட்டம், சாமி2, என்ஜிகே, மகாமுனி போன்ற பல படங்களில் துணை கதாபாத்திரத்திலும், வில்லனாகவும் நடித்துள்ளார். சினிமா மட்டுமின்றி, சின்னத்திரை தொடர்களிலும் நடித்துள்ளார்.
 
இந்நிலையில் அவருக்கு சில தினங்களுக்கு முன்பு கடுமையான காய்ச்சல் மற்றும் மூச்சுத் திணறல் ஏற்பட்டுள்ளது. இந்நிலையில் அவரது குடும்பத்தினர் அவரை வடபழனியில் உள்ள விஜயா மருத்துவமனையில் சிகிச்சைக்காக அனுமதித்து இருந்தனர்.
 
சிகிச்சை பலனின்றி அதிகாலை 2 மணிக்கு அவரது உயிர் பிரிந்தது. பொதுமக்கள் மற்றும் திரையுலகினரின் அஞ்சலிக்காக அவரது வீட்டில் வைக்கப்பட்டுள்ள அவரது உடல் பின்னர் சொந்த  ஊரான நாகர்கோயில் கொண்டுசெல்லப்படும்..!
 
அவருக்கு நம் அஞ்சலிகள்..!