Breaking News
- Home
- திரைப்படம்
- விமர்சனம்
- SISU Road to Revenge ஹாலிவுட் பட விமர்சனம்
By இரண்டாம் உலகப் போரை அடியொற்றி அனேக படங்கள் வந்து விட்டன. அதில் 2022 டில் இதன் முதல் பாகம் வெளியானது.
போரின் பின்விளைவுகளால் தன் குடும்பத்தினரை இழந்த ஒரு போர் வீரர், தனித்து வாழ்ந்து வரும் தருணத்தில் இயற்கையின் பரிசாகக் கிடைத்த தங்க புதையலை எடுத்துக்கொண்டு பயணிக்கிறார். வழியில் வெறி கொண்டு அலையும் சில வீரர்களின் கையில் சிக்காமல் இருக்க, கடுமையான எதிர் தாக்குதல் நிகழ்த்துகிறார்.
இப்படி கதையைக் கொண்ட முதல் பாகம் அதிரி புதிரியான வெற்றியை அடைந்துவிட இப்போது இரண்டாம் பாகம் வந்திருக்கிறது.
இதில், கொல்லப்பட்ட தன் குடும்பத்தாரின் நினைவாக , அவர்களெல்லாம் வாழ்ந்த வீட்டை இடம் பெயர்த்து வேறிடத்தில் நிலை நிறுத்தி தன் தனிமையான நிலைப்பாட்டைத் தொடர முற்படும் பொழுது , அவரைக் கொன்றே தீர வேண்டும் என்கிற ஒரு வெறி உணர்வோடு அவரைத் தேடி வருகிறது பெரும்படை!
மரணத்தை தவிர அத்தனை கொடுமைகளையும் அவருக்கு அவர்கள் தந்து விடுகிறார்கள்.
ஆனால், என்ன நடந்தாலும் நான் மரணிக்க மாட்டேன் என்ற உத்வேகத்தில் இருக்கும் அவர் எதிர்ப்புகளை சமாளித்து வெல்ல முடிந்ததா என்பதே இப்படத்தின் உச்சக்கட்டம்!
இதன் முதல் பாகம் சண்டைக் காட்சிகளுக்காகவே பெயர் பெற்றது. அதில் எள்ளளவும் குறையில்லாமல் இந்த பாகம் வந்திருக்கிறது.
2022 இல் வெளிவந்த படத்தை எழுதி இயக்கிய Jelmari Helander ரே இந்த பாகத்தையும் எழுதி இயக்கியிருக்கிறார்.
நாயகனாக முதல் பாகத்தில் மிரட்டிய Jorma Tommila வே இதிலும் நாயகனாகி அசத்தலான நடிப்பை தந்திருக்கிறார். அவருடன் Stephen Lang, Richard Brake ஆகியோர் முக்கிய வேடங்களில் தோன்றியுள்ளனர்.
Mika Orasmaa ஒளிப்பதிவு செய்திருக்கும் இந்த படம் ஐரோப்பாவின் பூகோள அழகை அற்புதமாக வெளிக்கொண்டு வந்திருக்கிறது.
ஆக்ஷனின் உச்சபட்சமாக இதில் வரும் சில காட்சிகள் இயற்கைக்கு முரணாக இருந்தாலும் லாஜிக் பார்க்கா விட்டால் அந்த மேஜிக்குகளை ரசிக்க முடியும்.
இந்தப் படத்தின் பாதிப்புகளை இனிவரும் இந்திய படங்களில் பார்க்க முடியும்..!
– வேணுஜி
