Breaking News
- Home
- Uncategorized
- மரகதமணி இசையில் மதன் கார்க்கி கண்ணீர் சிந்தி எழுதிய பாடல் – எஸ்.எஸ்.ராஜமௌலி
By லைக்கா புரொடக்ஷன்ஸ் சார்பில் திரு. சுபாஸ்கரன் அல்லிராஜா & டிவிவி என்டர்டெயின்மென்ட் சார்பில் திரு. தானய்யா இணைந்து வழங்கும் படம் RRR ( இரத்தம் ரணம் ரௌத்திரம்) ஆகும்.
பாகுபலி திரைப்படத்தின் உலகளாவிய வெற்றிக்கு பிறகு இயக்குநர் ராஜமௌலி இயக்கும் திரைப்படம் “இரத்தம் ரணம் ரௌத்திரம்” RRR .
தெலுங்கு சூப்பர் ஸ்டார்களான ஜூனியர் என் டி ஆர், ராம்சரண் ஆகியோர் இணைந்து நடித்திருக்கும் RRR திரைப்படம் தெலுங்கு, தமிழ், கன்னடம், மலையாளம், இந்தி என பன்மொழிகளில் வெளியாகிறது.
இப்படத்தில் இந்திய திரைத்துறையின் பல மொழிகளில் இருந்தும் பெரும் நட்டத்திரங்கள் இணைந்து நடித்துள்ளனர். பாலிவுட் நாயகி ஆலியா பட், நாயகன் அஜய் தேவ்கன், நடிகர் சமுத்திரகனி உட்பட பல முன்னணி நட்சத்திரங்கள் இப்படத்தில் இணைந்து நடித்துள்ளனர்.
இப்படத்திற்கு எம்.எம். மரகதமணி இசையமைத்துள்ளார். கார்கி வசனங்களை எழுத, கே.கே.செந்தில்குமார் ஒளிப்பதிவு செய்துள்ளார். ஶ்ரீகர் பிரசாத் படத்தொகுப்பு செய்துள்ளார்.
இப்படத்தின் அனைத்து பணிகளும் முடிக்கப்பட்டு, தற்போது படத்தின் முன் வெளியீட்டு பணிகள் துவங்கியுள்ளன. சென்னையில், இப்படத்தின் தமிழ் பதிப்பின், பிரமாண்ட விழாவில் படத்தின் மூன்றாவது சிங்கிள் பாடல் வெளியிடப்பட்டது.
இவ்விழாவில் இயக்குநர் எஸ்.எஸ். ராஜமௌலி, லைக்கா நிறுவனம் சார்பில் தமிழ்குமரன், தயாரிப்பாளர் என். வி. பிரசாத், டிவிவி என்டர்டெயின்மென்ட் சார்பில் தயாரிப்பாளர் தானய்யா கலந்து கொண்டனர்.
இவ்விழாவில் லைக்கா நிறுவனம் சார்பில் தமிழ்குமரன் பேசியதாவது…
“பிரமாண்ட இயக்குநர் ராஜமௌலி உடன் எங்கள் நிறுவனம் இணைவது எங்களுக்கு பெருமை. உலகளவில் பெரும் எதிர்பார்ப்பிற்குள்ளாகி இருக்கும் பிரமாண்ட படைப்பாக RRR இருக்கிறது. இது நட்பு ரீதியிலான சங்கமம். இன்னும் பல படைப்புகளில் இது தொடருமென நம்புகிறோம்..!”
டிவிவி என்டர்டெயின்மென்ட் சார்பில் தயாரிப்பாளர் தானய்யா பேசியதாவது…
“இது எங்களுக்கு மிக முக்கியமான படைப்பு. உங்கள் அனைவருக்கும் பிடிக்குமென்று நம்புகிறோம்..!”
இயக்குநர் எஸ்.எஸ். ராஜமௌலி பேசுகையில்,
“சில வருடங்களுக்குப் பிறகு உங்களை சந்திப்பது மகிழ்ச்சி. நீண்ட நாட்கள் கழித்து உங்களை சந்திப்பதற்கு மன்னிக்கவும். அடுத்த மாதம் எங்கள் மொத்தப் படக்குழுவினருடன் உங்களை மீண்டும் சந்திப்போம்.
RRR (இரத்தம் ரணம் ரௌத்திரம்) படத்தில் மிகப்பெரிய ஆக்சன் காட்சிகள் நிறைய இருக்கிறது. ஒவ்வொரு ஆக்சன் காட்சிக்கு பின்னும் பெரிய எமோஷன் இருக்கும், அந்த எமோஷன் தான் படத்தின் உயிர்நாடி.
அந்த எமோஷனை, ஆத்மாவை வெளிக்காட்டும் ஒரு இசை தான் உங்களுக்கு அறிமுகப்படுத்தும் ‘உயிரே’ பாடல். அண்ணன் மரகதமணி அவர்கள் தான் இசையமைத்துள்ளார். அவர் எப்போதும் படத்தின் காட்சிகளுக்கு இசையமைக்க மாட்டார். படத்தின் உயிர் எதைப்பற்றியதோ, படம் என்ன சொல்ல வருகிறதோ அதற்கு தான் இசையமைப்பார். அப்படி RRR ( இரத்தம் ரணம் ரௌத்திரம்) படத்தின் மொத்த ஆத்மாவையும் இந்த பாடலில் கொண்டு வந்திருக்கிறார்.
மதன் கார்கி இந்தப்பாடல் கேட்டபோதே கண்ணீர் சிந்தி ரசித்தார், அருமையான பாடல் வரிகளை தந்திருக்கிறார். இதை இன்னும் உலகிற்கு காட்டவில்லை, உங்களுடன் இங்கு பகிர்ந்து கொள்வதில் மகிழ்ச்சி” என்றார்.
