Breaking News
By அசுரன் படம் அனைத்துத் தரப்பினரையும் கவர்ந்ததால் வெளியாகி இரண்டாவது வாரம் தாண்டியும் வெற்றிகரமாக ஓடிக்கொண்டிருக்கிறது.
இடையில் படத்தில் வரும் ஒரு வசனத்தை நீக்க முக்குலத்தோர் புலிப்படை நிர்வாகிகள் கேட்டுக்கொண்டதை அடுத்து அந்த வசனம் நீக்கப்பட, அதைத் தவிர படம் எந்த ஒரு அரசியல் பிரச்சினையையும் கிளப்பாமல் இருந்தது.
இந்நிலையில் நேற்று தூத்துக்குடியில் அசுரன் படத்தைத் தியேட்டரில் சென்று பார்த்தார் திமுக தலைவர் முக ஸ்டாலின். படம் அவருக்கு மிகவும் பிடித்துப்போக, தன் மகிழ்ச்சியை ட்விட்டரில் தெரிவித்திருந்தார்.
#Asuran – படம் மட்டுமல்ல பாடம்! பஞ்சமி நில உரிமை மீட்பை மையமாக வைத்து சாதிய சமூகத்தைச் சாடும் – சாதி வன்மத்தை கேள்வி கேட்கும் துணிச்சல்காரன்! கதை-களம்-வசனம் என வென்று காட்டியிருக்கும்
-க்கும் வாழ்ந்து காட்டியிருக்கும்
-வுக்கும் பாராட்டுகள்
என்று பாராட்டியிருந்தார். அதற்கு தனுஷும் தன் ட்விட்டர் மூலம் நன்றி தெரிவித்திருந்தார்.
PMK Founder Ramadoss
ஆனால், மேற்படி ஸ்டாலினின் ட்விட்டர் செய்திக்கு எதிராக பாமக நிறுவனர் ராமதாஸ் வெளியிட்டிருக்கும் ட்விட்டர் செய்தியில்…
“பஞ்சமி நில மீட்பு குறித்து பேசும் அசுரன் படம் அல்ல… பாடம்: திமுக தலைவர் மு.க.ஸ்டாலின் – ஆஹா…. அற்புதம்… அசுரன் கற்றுத் தந்த பாடத்தை ஏற்று, முரசொலி அலுவலகத்திற்காக வளைக்கப்பட்ட பஞ்சமி நிலங்களை உரியவர்களிடம் மீண்டும் ஒப்படைப்பார் என்று நம்புவோம்!” என்று பதிவிட பற்றிக்கொண்டது ட்விட்டர் களம்.
அதற்கு ஆதரவாகவும், எதிர்ப்பாகவும் மாறி மாறிப் பொங்கி ட்விட்டரில் செய்திகளை நிரப்பிக் கொண்டிருக்கிறார்கள். இதற்கு ஸ்டாலின் என்ன பதில் சொல்லப் போகிறார் என்பதையும் மக்கள் ஆர்வத்துடன் கவனித்து வருகின்றனர்.
இந்த ட்விட்டர் அரசியல் நிச்சயம் யாரும் எதிர்பார்க்காததுதான்..!
